Հայաստանի հավաքականի ներկայացուցիչ Յուղաբեր Ամրոյանը (40 կգ քաշային կարգ) բրոնզե մեդալ է նվաճել ծանրամարտի Եվրոպայի մինչև 15 տարեկանների առաջնությունում: Այդ մասին հայտնում է Եվրոպայի ծանրամարտի ֆեդերացիան:
 
Երկամարտի արդյունքում հայ մարզուհին 87 կգ է հավաքել։ Այս քաշային կարգում առաջին տեղը զբաղեցրել է թուրք մարզուհի Յագմուր Մելեքը (գումարային` 127 կգ), երկրորդ տեղը՝ Լեհաստանի հավաքականի ներկայացուցիչ Յուլիա Վալեսան (գումարային` 95 կգ):

Նշենք, որ ծանրամարտի Եվրոպայի պատանիների առաջնությունն ընթանում է Քիշնևում (Մոլդովա):