Գիշերը «Զվարթնոց» օդանավակայանում քաղաքացին մահացել է։

Hayastan.news-ը դեպքի վերաբերյալ տեղեկություններ ստացավ ՆԳՆ լրատվության վարչությունից, համաձայն որի` հուլիսի 10-ին ժամը 01.15-ին «Զվարթնոց» օդանավակայանի ավիացիոն անվտանգության կայանից գծային բաժին ահազանգ է ստացվել, որ Մոսկվա-Երևան չվերթի օդանավում ուղևոր՝ 1963թ.ծնված Ամալյա Պ-ի ինքնազգացողությունը վատացել է, որից հետո գրանցվել է վերջինիս կենսաբանական մահը:

«Մեկնել է օպերատիվ-քննչական խումբ։ Արտաքին զննությամբ դիակի վրա բռնության հետքեր չեն հայտնաբերվել: Փաստաթղթերը հանձնվել են «Զվարթնոց» օ/կ քննչական բաժին: Կատարվում է նախաքննություն»,-հայտնեցին ՆԳՆ լրատվության վարչությունից։