Արցախի Հանրապետության ընդհանուր իրավասության առաջին ատյանի դատարանը դռնփակ դատական նիստում քննության առնելով քրեական գործն ըստ մեղադրանքի Արզիկ Հարությունյանի՝ նախատեսված  ԱՀ քրեական օրենսգրքի 310-րդ հոդվածի 1-ին մասով (Պետական դավաճանությունը), 2023թ. հուլիսի 11-ի դատավճռով Ա. Հարությունյանին մեղավոր է ճանաչել  պետական դավաճանություն կատարելու մեջ։

Այս մասին տեղեկացնում են ԱՀ դատախազությունից` ի լրումն դատախազության կայքում 2022 թվականի հոկտեմբերի 31-ին  տեղադրված՝ «Պետական դավաճանության ենթադրյալ դեպքի առթիվ հարուցված քրեական գործը մեղադրական եզրակացությամբ ուղարկվել է դատարան» վերտառությամբ հաղորդագրության։

Կառույցի տեղեկատվությամբ` նրա նկատմամբ նշանակվել է պատիժ՝ ազատազրկում  10 (տասը) տարի ժամկետով: