Իսլամական հեղափոխության առաջնորդ Այաթոլլա Սեյեդ Ալի Խամենեիի միջազգային հարցերով ավագ խորհրդական Ալի Աքբար Վելայաթին ընդգծել է բոլոր կողմերի, այդ թվում՝ Իրանի և Ռուսաստանի զգոնության անհրաժեշտությունը ՆԱՏՕ-ի դավադրությունների և կովկասյան տարածաշրջանի ապագայի վերաբերյալ:

Tasnim լրատվական գործակալությունում հրապարակված հոդվածում Վելայաթին նշել է.

«Փորձագետների ըմբռնումն այն է, որ Նախիջևանը Ադրբեջանի Հանրապետությանը կապող այս լայնածավալ գործողությունների նպատակն այն է, որ նախ նրանք Հայաստանը բաժանեն երկու մասի, և ապա՝ անջատեն Իրանն ու Հայաստանը՝ կտրելով այն կապը, որը սկիզբ է առնում Աքեմենյան և Պարթևական կայսրությունների դարաշրջանից: 

Երրորդ՝ դա կսահմանափակի Իրանի կապը դրսի հետ, և այդ ժամանակից մենք հարևան կլինենք 14 երկրի՝ 15-ի փոխարեն, կխափանվի Իրանի Իսլամական Հանրապետության ազատ կապը Հյուսիսային Կովկասի, Ռուսաստանի և եվրոպական մայրցամաքի հետ։ 

Տարածաշրջանային սահմանների ցանկացած փոփոխություն երկարաժամկետ լարվածություն կառաջացնի, իսկ ամենամտահոգիչը կլինի սահմանին (տարածաշրջաններում) օտար երկրների առկայությունը»։