Դիլիջանի ոլորաններում Mazda-ով վթարի են ենթարկվել ՌԴ քաղաքացիներ. shamshyan.com

20:48, 13 հուլիս 2023

Երեկ՝ հուլիսի 12-ին, ավտովթար է տեղի ունեցել Տավուշի մարզում: Shamshyan.com-ի փոխանցմամբ՝ ժամը 18:10-ի սահմաններում ՌԴ քաղաքացի Նազիրա Ամիրխան Նուդիրը Երևան - Սևան - Իջևան ավտոճանապարհին՝ Դիլիջանի ոլորաններում, Mazda մակնիշի ավտոմեքենայով, դեռևս անհայտ հանգամանքներում, դուրս է եկել երթևեկելի գոտուց և կիսակողաշրջված վիճակում հայտնվել փոսում:

Վարորդին և 2 ուղևորներին, ովքեր նույնպես ՌԴ քաղաքացիներ են, առաջինը օգնության են հասել քաղաքացիներն ու ՆԳՆ ծառայողները։

Պարեկները նաև օգնել են, որպեսզի ավտոմեքենան բեռնատարի միջոցով դուրս բերվի անվտանգ վայր:

Օպերատիվ են գործել նաև Դիլիջանի հիվանդանոցի շտապօգնության բժիշկների հերթապահ խումբը, ովքեր տեղում առաջին բուժօգնությունն են ցուցաբերել վարորդին և ուղևորներին, սակայն վերջիններս հրաժարվել են հիվանդանոց մեկնելուց, ասելով, որ իրենք չեն տուժել:

Վթարի փաստով ՊԾ Տավուշի մարզի գումարտակում նյութեր են նախապատրաստվում։

Մանրամասները՝ սկզբնաղբյուր կայքում։