Արցախի նախագահ Արայիկ Հարությունյանը երեկվանից Ստեփանակերտի հրապարակում նստացույց է սկսել՝ դա որպես ծայրահեղ միջոց դիտարկելով Արցախի փրկության հարցում, իսկ Երևանում էլ այսօր հերթական ակցիան էին իրականացնում՝ արդեն Ֆրանսիայի դեսպանատան դիմաց։ Երեկ էլ, հիշեցնենք, ՄԱԿ-ի հայաստանյան գրասենյակի ու ՌԴ դեսպանատան դիմաց էին ակցիա անում։ Այսօրվա ակցիային մասնակցում էր նաև դերասան, բեմադրիչ Դավիթ Հակոբյանը, որը Hayastan.news-ի հետ զրույցում ասաց, որ նստացույցը պայքարի անցած-գնացած մեթոդ է, հատկապես, երբ նստացույց է իրականացնում պետության ղեկավարը, բայց Արցախի նախագահը նստացույցով երևի ուզում է ազդեցություն գործել, որ բոլորը ոտքի ելնեն։