Իրավիճակը գնալով վատթարանում է, խնդիրները` խորանում: Բացի դեղորայքի խնդրից, մեծ խոչընդոտներ է առաջացնում այն, որ վառելիքի սղության հետևանքով մեր շրջանային բուժմիավորումներին չեն կարողանում արձագանքել, երբ նրանց անհապաղ օգնություն է անհրաժեշտ լինում։ Այս մասին այսօր Արցախի Հանրային հեռուստաընկերության հետ զրուցյում ասել է ԱՀ Առողջապահության նախարար Վարդան Թադևոսյանը։

«Այժմ վառելիքի պակասն առավել զգալի է ոլորտի համար, քան դեղորայքինը։ Շնորհակալություն եմ հայտնում Կարմիր խաչին հիվանդների եւ դեղորայքի տեղափոխումներ կատարելու համար, ավաղ, վերջին օրերին դա կրկին արգելվեց։ Յուրաքանչյուր օրը մենք ծրագրում ենք տարբեր, ամենօր մեր գրաֆիկում փոփոխություններ են լինում, ամեն օր կազմակերպում ենք նախորդից տարբեր»,- ասաց նա։

Նախարարը նշել է, որ արցախցի մասնագետները ամենօրյա կապի մեջ են Հայաստանի և սփյուռքի գործընկերների հետ, նրանց հետ անցկացնում են խորհրդատվություններ։