Արդեն երրորդ օրն է, ինչ Աթենքից հյուսիս-արևմուտք ընկած անտառային տարածքներում և քաղաքներում անվերահսկելի երկու հրդեհ է բռնկվել: Կրակն ուղղվել է դեպի ծովափնյա Նեա Պերամոս քաղաք:

Այսօր հաղորդվել է, որ երրորդ հրդեհն է բռնկվել, այս անգամ Հռոդոս կղզում. գրում է Reuters-ը:

Բնակիչները լքում են տները, իշխանությունները պայքարում են հրդեհը մարելու համար, քանի որ այն հասնում է արդեն նավթավերամշակման տարածքներ:

Հրդեհի ճակատներից մեկը ձգվել է ավելի քան 8 կմ (5 մղոն), ըստ ականատեսների և պաշտոնյաների, այրվել են տներ և ավտոմեքենաներ մայրաքաղաքից արևմուտք գտնվող Մանդրայի շրջակայքում:

Երթևեկությունը ժամերով դադարեցվել է Աթենքը Էլեֆսինա և Կորինթոս քաղաքների հետ կապող երկու ճանապարհներով, այդ քաղաքներում գործում են նավթավերամշակման գործարանները։