Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարի մանդատը երկարացվել է։
Այս մասին այսօր որոշում է ընդունել ԵՄ խորհուրդը։
Կլաարի մանդատը երկարացվել է ևս մեկ տարով՝ մինչև 2024 թվականի օգոստոսի 31-ը։
Տոյվո Կլաարը Հարավային Կովկասում և Վրաստանում ճգնաժամի հարցերով ԵՄ հատուկ ներկայացուցիչ է նշանակվել 2017 թվականի նոյեմբերի 13-ին։ Նրա խնդիրն է նպաստել տարածաշրջանում հակամարտությունների խաղաղ կարգավորմանը, ինչպես նաև խթանել տարածաշրջանային համագործակցությունը Հայաստանի, Ադրբեջանի և Վրաստանի և, համապատասխանաբար հարևան երկրների միջև։