Երեկ վերադարձա Յուրայի հայրենիքից՝ Գորիսից, ուր գնացել էինք մասնակցելու Յուրայի եղբոր տղայի՝ Գագիկ Բախշյանի տղաների՝ Սևակի և Նարեկի կնունքի արարողությանը, որը կայացավ Տաթևի վանքում: 2 տարի առաջ արածս գրառման վտանգն աչքերովս տեսա: Այս մասին ֆեյսբուքի իր էջում գրել է հասարակական գործիչ Անահիտ Բախշյանը։

«Տաթևի ճանապարհն ահավոր վտանգավոր է դարձել, որովհետև Շուռնուխի ճանապարհը  թշնամուն նվիրելուց հետո այդտեղով  են երթևեկում Քաջարանից, Իրանից եկող ու գնացող հսկայական բեռնատարները: 

Հապա Երասխի սահմանը, որի բարձունքների վրա մի քանի տեղ երևում են թշնամու դրոշները, իսկ մեր կողմում ոչ մի դրոշ չկա  այն դեպքում երբ պետք է պարտավորեցնենք այդ ճանապարհի բոլոր տնտեսվարողներին, տարբեր գազալցման ու բենզալցման կայանատեղերին դնել մեր դրոշը: 

Մրմռում եմ։ Ժողովուրդ ջան,  Էս ի՞նչ արեցինք»,- գրել է նա։