Այսօր մի խումբ արցախցի ուսանողներ բողոքի ակցիա են իրականացրել Երևանում Կարմիր Խաչի միջազգային կոմիտեի գրասենյակի մոտ։

Նրանց հիմնական պահանջը ԿԽՄԿ-ից Արցախ հումանիտար բեռ ուղարկելն է։

«120․000 հայ պատանդառության մեջ է Արցախում՝ զրկված լինելով իր կենսական իրավունքներից։ Որպես միջազգային մարդասիրական կազմակերպություն՝ պարտավոր եք լինել արցախահայության կողքին և հումանիտար բեռ ուղարկել Արցախ։ Պահանջում ենք՝ միջազգային հանրությանն իրազեկեք, որ 21-րդ դարում նոր ցեղասպանություն է իրականացվում, ահազանգեք, որ 120․ 000 մարդ սովի է մատնված»․- նշել է բողոքի ակցիայի մասնակիցներից մեկը։

Ուսանողները նաև նամակ են փոխանցել ԿԽՄԿ ներկայացուցչին, որն էլ խոստացել է նամակը փոխանցել Կարմիր խաչի միջազգային կոմիտեի պատվիրակության ղեկավարին, ինչից հետո հանդիպում կկազմակերպեն։