Նիկոլ Փաշինյանի հրավիրած մամուլի ասուլիսի ընթացքում լրագրողներից մեկը կրկին հնչեցրեց արցախցու հարցը՝ ուղղված Փաշինյանին:

«Ձեր կինը ուտելիքը դնում է ի ցույց և չգիտեմ դրանով ինչ է ուզում ասած լինել:Ակսօր Արցախում հացի խնդիր կա, ձեր կնոջ նկարած բերք ու բարիքը այստեղ գրեթե չկա: Բայց մենք գիտենք  հանուն ինչի ենք մեր Արցախում: Մենք պայքարելու ենք մեր հողի համար: Գիտենք նաև՝ ով է մեզ հարցրել այսօրվան: Ամենակարևորը՝ ես, որպես Արցախի քաղաքացի, Ձեզ չեն տվել լիազորություն Արցախը ճանաչել Ադրբեջանի կազմում»:

Ինչ ուտելիք է ցույց տվել. մեր բակում աճած լոլիկ, բամիա, սմբուկ: Հիմա ինչ-որ մեկն ուզում է ասի, որ հուլիս ամսին Ղարաբաղում պամիդոր չկա, բադրջան չկա, բամիա չկա՞: Իսկ ինչի՞ չկա, կներեք: Բամիան որ աճել է, դրա վրա ոչ բենզին ենք ծախսել, ոչ սալյարկա: Ոնց կարող է չլինել: Գոնե ՀՀ կառավարությունը, այդ թվում՝ վերջին շրջանում բավարար միջոցներ է հատկացրել, որ գյուղատնտեսական աշխատանքներ իրականացվեն, թոշակները, նպաստները վճարվեն, աշխատավարձերը վճարվեն: Կարծում  եմ, որ ԼՂ կառավարությունն էլ ջանքեր է գործադրել, որ հողերը մշակվեն: Այսինքն այդ ինչ է ցույց տվել, սև խավիա՞ր է եղել այնտեղ, էկզոտիկ ուտելիքներ են եղե՞լ: Ոչ մի կերպ չեմ ընդունում:

Էս ինչ պատվերով քարոզչություն է: Մենք Ղարաբաղի համար որևէ բան խնայե՞լ ենք: Ղարաբաղը վերջին 30 տարվա ընթացքում երբեք այդքան աջակցություն չի ստացել, որքան հիմա: Մի մտեք էդ թեմաների մեջ: Այդ նույն բարբառով երիտասարդներ պատերազմի ժամանակ սրճարաններում էին:
Այսինքն կանխավարկածն այն է, որ Հայաստանում բադրջան ու բամիա պիտի չունենա՞ն: 

Ի՞նչ եմ խնայել ես, իմ ընտանիքը, ՀՀ-ն և ժողովուրդը Ղարաբաղի համար: Կարո՞ղ եք նշել որևէ մի բան: Էս մուննաթը ինչի՞ համար է: Էս ի՞նչ թել եք թելում: 
Գնայիք բոստանում բադրջան ցանեիք, 150 մլրդ ենք Ղարաբաղ ուղարկել:

Բա որ ԼՂ-ում բադրջան չկա, ԼՂ մի շարք բարձրաստիճան պաշտոնյաներ, բա Հայաստանի տված հարյուր միլիարդավոր դոլարները ոնց են օգտագործել, որ բադրջան չկա: 150 միլիարդ է, 120 միլիարդ է, ոնց են օգտագործել էդ փողերը: Ձեռք եք առնում: Թող ուրեմն ոմանք գնային, բաղչան վարեին, բադրջան ցանեին, 150 մլրդ դրամի փոխարեն գոնե: Թե դա էլ պիտի Արարտյան դաշտում վարեն, ցանեն, աճացնեն, ուղարկեն: Հերիք եղավ, բոլ եղավ»,- ասաց Փաշինյանը: