Այն ժամանակ, երբ Ադրբեջանը բանակցում է Հայաստանի հետ խաղաղության համաձայնագրի շուրջ, Հնդկաստանի կողմից զենքի մատակարարումը հանգեցնում է Հայաստանում իրավիճակի ռազմականացմանն ու սրմանը և խոչընդոտներ ստեղծում Հարավային Կովկասի տարածաշրջանում կայուն խաղաղության և անվտանգության հաստատման համար։ Այս մասին հուլիսի 26-ին հայտարարել է Ադրբեջանի նախագահի օգնական Հիքմեթ Հաջիևը Հնդկաստանի արտակարգ և լիազոր դեսպան Շրիդհարան Մադհուսուդհանանի հետ հանդիպման ժամանակ։
Հիքմեթ Հաջիևը Հնդկաստանի դեսպանին կոչ է արել պաշտոնական Դելիի ուշադրությունը հրավիրել ադրբեջանական կողմի մտահոգությունների վրա և վերանայել Հայաստանին զենք մատակարարելու վերաբերյալ Հնդկաստանի որոշումը։