Երգչուհի Ռոզա Լինը ինստագրամյան իր էջի «սթորի» բաժնում  Արցախի շրջափակման մասին գրառում է արել, որում ասվում է․

«2022 թվականի դեկտեմբերի 12-ից Լեռնային Ղարաբաղում ծանր հումանիտար ճգնաժամ է առաջացել՝ Ադրբեջանի կողմից Լաչինի միջանցքի շրջափակման հետևանքով։ Լաչինի միջանցքը՝ Լեռնային Ղարաբաղը Հայաստանին և ողջ աշխարհին կապող փրկօղակն է։ 30.000 երեխա, 20.000 ծեր, 9000 հաշմանդամություն ունեցող անձ և 2000 հղի կին օգնություն են խնդրում, բայց աշխարհը լռում է։ Սովից մահացող մարդկանց սրտաճմլիկ իրականությունը մարդասիրական աղետ է, որը պահանջում է անհապաղ գործողություններ: Մենք կոչ ենք անում ՄԱԿ-ին և քաղաքակիրթ աշխարին բացել միջանցքը»,-գրել է նա։