Ամբողջ գիշեր Բաթումիի նավահանգստում բողոքի ակցիա է իրականացվել։
«Աստորիա Գրանդե» զբոսանավը, որում գտնվել են Ռուսաստանի քաղաքացիներ, նավահանգիստ է մտել առավոտյան ժամը 06:00-ին։ Հանրահավաքի մասնակիցները ռուսներին դիմավորել են բողոքի ակցիայով։
Նավահանգստի մերձակայքում Գոգեբաշվիլի փողոցի մի մասը արգելափակվել է իրավապահների կողմից, իսկ մյուս մասը՝ հանրահավաքի մասնակիցների կողմից։ Նավի մոտ մոբիլիզացված են եղել իրավապահները։ Ակցիային մասնակցել են քաղաքացիներ, «Ազգային շարժման» և այլ ընդդիմադիր կուսակցությունների ներկայացուցիչներ։
Ավելի ուժ՝ երկրի ՆԳՆ տվյալներով՝Բաթումիի նավահանգստի տարածքում տեղի ունեցող ակցիայի ժամանակ ինը քաղաքացի է ձերբակալվել։
Ըստ ՆԳ նախարարության՝ չնայած իրավապահների բազմաթիվ հորդորներին, հանրահավաքի մասնակիցները չեն կատարել իրենց օրինական պահանջները, ինչի հետրանքով Վարչական իրավախախտումների վերաբերյալ օրենսգրքի 166-րդ և 173-րդ հոդվածներով ձերբակալվել է ինը անձ։
ՆԳՆ-ն կոչ է անում հանրահավաքի մասնակիցներին դուրս չգալ օրենքով թույլատրված հավաքների և արտահայտվելու ազատության շրջանակներից։