«Ջրաշխարհ» ժամանցի կենտրոնը հանդես է եկել հայտարարությամբ, որը ներկայացնում ենքստորև.

 

«Հարգելիներս, քանի որ անհիմն շահարկվում է Ջրաշխարհի անունը, ցանկանում ենք նկարագրել ևլուսաբանել կատարվածը:                                                                                                                        

 

Այսօր ժամը  13:00 -ի սահմաններում երկու երիտասարդ և մեկ պատանի, որոնք երևում եններկայացված նկարում, մոտեցել են Ջրաշխարհ թվով 8 հաշմանդամություն ունեցող  երեխաներինընդունելու հարցով: Նրանց դիմավորել են պատասխանատու աշխատակիցները և պատրաստակամություն հայտնել երեխաներին անվճար հիմունքներով հյուրընկալելու և նրանց հանգիստը կազմակերպելու համար, ինչպես նաև ծանոթացրել  Ջրաշխարհում գործող ներքին  կանոնակարգին:   

 

Հայտնելով իրենց գոհունակությունը, տղաները հեռացել են հաշմանդամ երեխաների հետ վերադառնալու պայմանով: Մինչդեռ երկար սպասելուց հետո նրանք այդպես էլ չեն վերադարձել:   

 

Ջրաշխարհն իր ջերմ տանիքի տակ ընդունելու բազմամյա փորձ ունի  թե՛ անապահովընտանիքների, և թե՛ հաշմանդամություն ունեցող երեխաներին հյուրընկակելու հարցում, ևայսօրվանը ևս բացառություն չէր լինելու:        

                                                                                                                                                                                                                                                                                                                                                                         Հ.Գ.  Ջրաշխարհի տնօրինությունը պատրաստ է հանդիպման և կատարվածի պարզաբանման համար:          

 

 

Հաջորդիվ կներկայացնենք նաև հավաստի փաստեր կատարվածից»։

 

Ավելի վաղ հայտնի էր դարձել, որ Վանաձորից Երևան ժամանած հաշմանդամություն ունեցող միխումբ երեխաների մուտքը «Ջրաշխարհ» ժամանցի կենտրոն առանց հիմնավորման արգելվել է: