Ծաղիկ Վարդանյանը վերականգվել է Առողջապահության նախարարության պետական առողջապահական գործակալության պետի  պաշտոնում։ Այս մասին նա հայտնել է իր ֆեյսբուքյան էջում և ներկայացրել առողջապահության նախարար Անահիտ Ավանեսյանի ստորագրած հրամանը․

«Վճռաբեկ բողոքը վարույթ ընդունելը մերժելու մասին» որոշմամբ, ՀՀ վարչական դատարանի 2022 թվականի նոյեմբերի 11-ի թիվ ՎԴ/0729/05/22  վճռով  հրամայում եմ Ծաղիկ Վարդանյանին 2023 թվականի օգոստոսի 8-ից վերականգնել Առողջապահության նախարարության պետական առողջապահական գործակալության պետի (ծածկագիրը 11-34.2-Ղ2-1) պաշտոնում:  

Ծաղիկ Վարդանյանին վճարել Առողջապահության նախարարության պետական առողջապահական գործակալության պետի (ծածկագիրը 11-34.2-Ղ2-1) պաշտոնում հարկադիր պարապուրդում գտնվելու ժամանակահատվածի համար միջին աշխատավարձը 2022 թվականի հունվարի 12-ից մինչև 2023 թվականի օգոստոսի 8-ը»,- նշված է որոշման մեջ։

Հիշեցնենք, որ Ծաղիկ Վարդանյանը երկու խիստ նկատողություն էր ստացել և ազատվել Առողջապահության նախարարության Պետական առողջապահական գործակալության պետի պաշտոնից։ Այնուհետև նա դիմել էր դատարան։