Կառավարության շենքի մոտ տեղի ունեցող ակցիայից 14 անձ է բերման ենթարկվել ոստիկանության բաժանմունք: Այս մասին հայտնեցին ոստիկանության լրատվական ծառայությունից:

Ոստիկանները ակցիայի մասնակից ազատամարտիկներին բերման են ենթարկել ոստիկանի օրինական պահանջը չկատարելու համար:

Ավելի վաղ հայտնել էինք, որ «Խաչակիրներ» ջոկատն այսօր առավոտվանից սկսած բողոքի ակցիա է իրականացնում ՀՀ կառավարության դիմաց՝ Արցախի կյանքի ճանապարհը բացելու պահանջով։

Նրանք փակել էին կառավարության շենքին հարող ճանապարհը, որը ոստիկանությունը բացել էր ուժի կիրառմամբ, այդ ընթացքում էլ քաղաքացիներ են տարվել բաժիններ։