«Ապրելու Երկիր» կուսակցությունը հայտնում է.

«Ժամանակակից հայ գրականության և հրապարակախոսության մեջ իր ուրույն ոճով ու ձեռագրով առանձնացող Աշոտ Աղաբաբյանը միացել է մեր թիմին։

Նա Երևանի ավագանու ընտրություններում լինելու է «Ապրելու երկիր» կուսակցության ավագանու թեկնածուներից։

Մեծանուն մտավորականի գրականությունը մեր միջավայրի, քաղաքականության, մեր երկրում ու մայրաքաղաքում կատարվողի մասին է։ Մեզնից շատերը հենց նրա գործերի շնորհիվ է սկսել սիրել ժամանակակից հայ գրականությունը։ 

Երևանում ընթերցանության նոր մշակույթ, գրքի ու գրականության նկատմամբ սեր տարածել․ այս մղումներով է նա նաև իր մասնակցությունն ունենալու Երևանի ավագանու կազմում։

Հակիրճ Աշոտ Աղաբաբյանի գրական գործունեության մասին․

 • Գլխավոր խմբագիր է աշխատել «Հայաստանի Հանրապետություն», «Հայաստանի Զրուցակից» և «Собеседник Армении», «Հայացք», «Փաստ» թերթերում և իր հիմնադրած Nyut.am, Strela.am լրատվական կայքերում։ 

 • Հեղինակ է 9 գրքի՝ «Ռեզիդենտը», «Մենակը», «Թակարդ», «Գաղտնիքների տիրակալը», «Վերջին անգամ ենք ապրում», «Գաղութ», «Արտերն սպասում են հնձվորի», «Ապրիր և ապրեցրու», «Սև հովազ-1» և «Սև հովազ-2»։ 

 • 2022թ արժանացել է «Տարվա լավագույն հայ հեղինակ» մրցանակին՝ ամենապահանջված, ամենաշատ վաճառված գրքերի համար: 

 • Վերջին 5 տարում ամենաշատ տպագրված և վերահրատարակված գրքերի հեղինակն է։

 • Ա․ Աղաբաբյանի վեպերը վերահրատակվել են 5-8 անգամ, թարգմանվել են պարսկերեն, ռուսերեն, անգլերեն»։