Ասֆալտը քայլելու համար չէ, ինչպես ՔՊ-ն Երևանի համար չէ․ բակերը, մայթերն ասֆալտապատելը հանցագործություն է․ Մեսրոպ Առաքելյան

16:24, 11 օգոստոս 2023

«Ապրելու Երկիր» կուսակցության համահիմնադիր Մեսրոպ Առաքելյանը գրում է․«Բակերում՝ շենքերի դիմաց, հետիոտն հատվածները և մայթերն ասֆալտապատելը ուղղակի հանցագործություն է։

Իշխանությունն ափալ-թափալ աշխատանք ցույց տալու համար օր ու գիշեր անորակ ասֆալտ է անում։

Սրանով էլ նախկիններից ոչնչով չեք տարբերվում։ Այս օրերին ասֆալտի վրա օդի ջերմաստիճանը անցնում է 60 աստիճանը, իսկ ասֆալտից եկող թունավոր նյութերը առաջացնում են լուրջ հիվանդություններ՝ առաջին հերթին ասֆալտի վրայով քայլող երեխաների համար։

Քաղաքային կառավարման կարևորագույն սկզբունքներից է՝ ասֆալտը քայլելու համար չէ, ինչպես ՔՊ-ն Երևանի համար չէ»։