Հետևեք մեզ։

Աղջկան սեռական ոտնձգության ենթարկած կնոջ ամուսինը կալանավորված է անչափահասների նկատմամբ սեռական բռնության համար․ Mediahub.am

11:48, 18 օգոստոս 2023
Աղջկան սեռական ոտնձգության ենթարկած կնոջ ամուսինը կալանավորված է անչափահասների նկատմամբ սեռական բռնության համար․ Mediahub.am

MediaHub-ի բացառիկ տեղեկություններով՝ համացանցում տարածված տեսանյութի կինը, որը հոգեբանական ու ֆիզիկական բռնության է ենթարկում իր անչափահաս երեխային, Գավառի բնակչուհի Աննա Արեւշատյանն է, ունի 5 երեխա։ 

Աղբյուրը ավելի սարսափելի տեղեկություններ է պարզել․ վերջինիս ամուսինը՝ Թաթուլ Մադաթյանը, այս տարվա հունվարին դատապարտվել է ազատազրկման՝ անչափահաս երեխաներին բռնաբարելու հոդվածով։ Դատալեքս տեղեկատվական հարթակում գործի վերաբերյալ տեղեկատվությունը փակ է։

ՆԳՆ ոստիկանության Հասարակական անվտանգության ապահովման գլխավոր վարչության, Գավառի և Կենտրոնական բաժինների ոստիկանների համատեղ ձեռնարկած միջոցառումների արդյունքում տեսանյութում պատկերված կինը հայտնաբերվել է: 

Նա այս պահին ոստիկանությունում է: