«100-ից ավելի պատանիներ գրեթե ամեն օր զբաղվում են ֆուտբոլով՝ կարևորելով առողջ ապրելակերպը, կամքը, սպորտային հաջողությունները։

Ակումբի հիմնադրման գաղափարը եղել է իմը, և արդեն երկու տարի է՝ ակումբի թիմերը մասնակցում են Հայաստանի պատանեկան առաջնություններին, իսկ առաջիկա օրերին մեկնարկող առաջնությանը կմասնակցի արդեն չորս թիմ։

Շատ կարևոր է, որ բոլոր թաղամասերում լինեն ֆուտբոլի, բասկետբոլի, վոլեյբոլի թիմեր, որը հնարավորություն կտա պատանիներին ավելի շատ զբաղվել սպորտով՝ այսօր այդքան կարևոր առողջ ապրելակերպը խրախուսելու նպատակով։

«Նորք» ֆուտբոլային ակումբը եզակիներից է, որտեղ պատանինները ֆուտբոլով են զբաղվում անվճար։

Ակումբի ծախսերը հոգում է «Ապրելու» հիմնադրամը»։