ԱՄՆ Պետդեպարտամենտը կոչ է արել իր քաղաքացիներին անհապաղ լքել Բելառուսը՝ Լիտվայի կողմից սահմանային անցակետերի փակման պատճառով։ Այս մասին ասվում է Մինսկում ամերիկյան դեսպանատան կայքում հրապարակված մամուլի հաղորդագրության մեջ։

«Բելառուսում գտնվող ԱՄՆ քաղաքացիները պետք է անհապաղ լքեն երկիրը։ Մտածեք հեռանալ Լիտվայի և Լատվիայի մնացած սահմանային անցումներով կամ ինքնաթիռով: ԱՄՆ քաղաքացիներին թույլ չեն տալիս Բելառուսից ցամաքային ճանապարհով մուտք գործել Լեհաստան»,- հայտնել են իշխանությունները։