Ռուսաստանի նախագահը Ուկրաինայում շարունակվող պատերազմի համար մեղադրել է Արևմուտքին։ Այս մասին Վլադիմիր Պուտինը խոսել է Հարավային Աֆրիկայում «BRICS»-ի գագաթնաժողովի մասնակիցներին ուղղված տեսաուղերձում։
«Որոշ երկրների՝ իրենց հեգեմոնիան պահպանելու ցանկությունը մեզ հանգեցրել է Ուկրաինայում լուրջ ճգնաժամի։ Նախ՝ արեւմտյան երկրների օգնությամբ նրանք հակասահմանադրական պետական հեղաշրջում կազմակերպեցին Ուկրաինայում։ Եվ հետո այս պետական հեղաշրջումը չընդունած ժողովրդի դեմ պատերազմ սկսեցիժ։ Ռուսաստանը որոշել է աջակցել այն մարդկանց, ովքեր պայքարում են իրենց մշակույթի, ավանդույթների, լեզվի և ապագայի համար։ Ուկրաինայում մեր գործողությունները թելադրված են միայն մեկ բանով՝ վերջ դնել պատերազմին, որը Արևմուտքն ու նրա արբանյակները սանձազերծել են Դոնբասում ապրող մարդկանց դեմ»,- ասել է Պուտինը։
Ռուսաստանի նախագահը շնորհակալություն է հայտնել BRICS-ի անդամներին, ովքեր փորձում են խաղաղ ճանապարհով կասեցնել Ուկրաինայում շարունակվող պատերազմը։