Ըստ ադրբեջանական լրատվամիջոցների՝ Ադրբեջանի նախագահ Իլհամ Ալիևը չի ընդունի Բելգիայի արտաքին գործերի նախարարության ղեկավարին՝ «հայանպաստ դիրքորոշման համար»։ 

«Բելգիայի ԱԳ նախարարը Հայաստան այցի ընթացքում հանդես է եկել հայամետ հայտարարություններով»,-ասվում է լրատվամիջոցների տարածած հաղորդագրություններում։

Հիշեցնենք, որ Բելգիայի արտգործնախարարը տարածաշրջան այցի շրջանակներում այցելել էր Հայաստան, այսօր արդեն կլինի Ադրբեջանում։

«Ադրբեջանում այցով գտնվող արտասահմանյան երկրների արտաքին գործերի ղեկավարներին սովորաբար ընդունում է նախագահ Իլհամ Ալիևը, մտքեր են փոխանակվում երկկողմ հարաբերությունների, տարածաշրջանի և աշխարհի արդի հարցերի շուրջ։ Սակայն Իլհամ Ալիևը չի ընդունի Բելգիայի ԱԳՆ ղեկավարին՝ հայանպաստ դիրքորոշման համար»,- նշում է ադրբեջանական կողմը։