ՌԴ նախագահ Վլադիմիր Պուտինը ցավակցություն է հայտնել բոլոր նրանց ընտանիքներին, ովքեր զոհվել են Embraer-ի վթարի հետևանքով, որում նաև Եվգենի Պրիգոժինն էր։
«Ինչ վերաբերում է ավիավթարին, ապա առաջին հերթին ցանկանում եմ իմ անկեղծ ցավակցությունը հայտնել բոլոր զոհվածների ընտանիքներին։ Դա մեծ ողբերգություն է»,- ասել է ՌԴ ղեկավարը Դենիս Պուշիլինի հետ հանդիպմանը։
Պուտինը հայտնել է, որ գործարար Եվգենի Պրիգոժինը Աֆրիկայից վերադարձել է օգոստոսի 23-ին՝ իր բիզնես ինքնաթիռի կործանման օրը։
«Նա միայն երեկ, որքան գիտեմ, վերադարձավ Աֆրիկայից»,- ասել է ՌԴ նախագահը։
Պուտինը նշել է, որ Պրիգոժինը տաղանդավոր գործարար էր։ Նա արդյունավետ աշխատել է արտասահմանում, այդ թվում՝ Աֆրիկայում։
Տեսանյութն` այստեղ