1 տարի է, ինչ հայկական Բերձորը գտնվում է Ադրբեջանի վերահսկողության տակ։
Հիշեցնենք` նախորդ տարվա օգոստոսի 5-ին հայտնի էր դարձել, որ Արցախի տարածքային կառավարման և ենթակառուցվածքների նախարար Հայկ Խանումյանը Քաշաթաղի շրջանի Աղավնոգյուղում տեղի բնակչության, համայնքի և շրջանի իշխանության ներկայացուցիչների հետ քննարկել է Աղավնոյի, Ներքին Սուսի և Բերձորի բնակչության՝ մինչև սույն թվականի օգոստոսի 25-ը տարհանման հարցերը։
Դրանից մեկ օր առաջ` օգոստոսի 4-ին, ՀՀ տարածքային կառավարման և ենթակառուցվածքների նախարար Գնել Սանոսյանը հայտնել էր, որ Լաչինի միջանցքի այլընտրանքային հատվածի կառուցման աշխատանքներն արդեն սկսվել են ու մինչև գարուն կավարտվեն։
Նշենք, որ 2020 թվականի նոյեմբերի 9-ի եռակողմ հայտարարության 6-րդ կետում ասվում է, որերեք տարում Արցախը Հայաստանի հետ կապող նոր ճանապարհի նախագիծ է լինելու։
Նշենք նաև, որ այս պահին Արցախը գտնվում է ամբողջական շրջափակման մեջ։ Ադրբեջանը Հակարիի կամրջի վրա անցակետ է տեղադրել և արգելում է Արցախ սննդի, առաջին անհրաժեշտության ապրանքների և քաղաքացիական մեքենաների մուտքն ու ելքը։