Հակարիի կամրջի անցակետում ՀՀ երեք քաղաքացիների առևանգման գլխավոր մեղավորն ու պատասխանատուն ՀՀ գործող իշխանություններն են։ 

Այս մասին գրել է «Ապրելու երկիր» կուսակցության ղեկավար և Երևանի քաղաքապետի թեկնածում Մանե Թանդիլյանը։

«Նրանց կառավարման ամեն օրն աղետաբեր է։

Հայրենիքի տարածքային կորուստները, մեր քաղաքացիների կյանքն ու անվտանգությունը նրանց համար դարձել է վիճակագրություն: 

Հայաստանի Հանրապետությունն իր քաղաքացու անվտանգության երաշխավո՛րն է, պարտավո՛ր է ոչ միայն տեր կանգնել իր քաղաքացուն, այլև պահանջատեր լինել, որ Արցախից տեղափոխվող քաղաքացիական անձանց անվտանգությունն ապահովվող կառույցները՝ ՌԴ խաղաղապահ զորախումբը և ԿԽՄԿ երևանյան գրասենյակի ներկայացուցիչները լիարժեք իրականացնեն իրենց պարտականությունները։ 

Այդ կառույցների թողտվությամբ են ադրբեջանական ապօրինի անցակետից առևանգվում հայ քաղաքացիները։

Միջազգային մարդասիրական բոլոր կառույցների ուշադրությունը հրավիրում ենք Ադրբեջանի անօրինական և բացահայտ հայատյաց գործողությունների վրա և ակնկալում ենք նրանց հրապարակային արձագանքը»,-գրել է նա։