ԱՄՆ Սենատի միջազգային հարաբերությունների հանձնաժողովի նախագահ Ռոբերտ Մենենդեսը անդրադարձել է Լաչինի միջանցքի ապօրինի անցակետից Ադրբեջանի կողմից արցախցի երեք երիտասարդների առևանգմանը։

Սենատորն այդ պահվածքն անվանել է «ստոր»։

«Մենք խորապես մտահոգված ենք, որ Ադրբեջանը շարունակում է իր ստոր պահվածքը՝ ուղղված Լեռնային Ղարաբաղում հայերին ահաբեկելուն, մարդասիրական օգնության հոսքը արգելափակելուն և ԿԽՄԿ-ի կարևորագույն գործունեությունը խափանելուն։ Սա անընդունելի է»,- գրված է  X-ում (Թվիթեր) Սենատի միջազգային հարաբերությունների հանձնաժողովի հայտարարության մեջ