Թուրքմենստանի նախկին նախագահ Գուրբանգուլի Բերդիմուհամեդովը Թյուրքական պետությունների կազմակերպության գագաթնաժողովում ունեցած ելույթի ընթացքում առաջարկել է Թուրքիայի նախագահ Ռեջեփ Թայիփ Էրդողանին Խաղաղության Նոբելյան մրցանակի առաջադրել։

Նա հայտարարել է, որ 22 տարի է ճանաչում է Էրդողանին և կարող է ասել, որ նա «համաշխարհային մակարդակի քաղաքական գործիչ» է։

«Թուրքիայի նախագահը մեծ աշխատանք է կատարում՝ ապահովելու խաղաղ կյանք ոչ միայն իր ժողովրդի, այլև բոլոր մուսուլման ժողովուրդների համար։ Ելնելով դրանից՝ առաջարկվում է Խաղաղության Նոբելյան մրցանակի համար առաջադրել Թուրքիայի Հանրապետության նախագահին, և մենք լիովին աջակցում ենք բոլոր համապատասխան առաջարկներին։ Նա այս միջազգային մրցանակին արժանի առաջնորդ է», - ասել է Թուրքմենստանի նախկին ղեկավարը։