Օգոստոսի 30-ին, ժամը 13։24-ին Ճգնաժամային կառավարման ազգային կենտրոն ահազանգ է ստացվել, որ Երևանի «Մեգամոլ Արմենիա» առևտրի կենտրոնի մոտակայքում գտնվող խանութների տանիքներում հրդեհ է բռնկվել:

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, երկու ջրատար, Հրդեհաշիջման և փրկարարական աշխատանքների կազմակերպման բաժնի, Բժշկական ապահովման վարչության հերթապահ և Ճգնաժամային կառավարման ազգային կենտրոնի օպերատիվ խմբերը:

Պարզվել է, որ հրդեհը բռնկվել է Ս․ Սաֆարյան փողոցում գտնվող չորս խանութների ընդհանուր տանիքում։

Հրդեհը մեկուսացվել է ժամը 13:57-ին, մարվել 14:04-ին: Այրվել են խանութների տանիքի փայտե կառուցատարրերը (150 քմ)։