Ֆուտբոլի մեծ լիգայի (MLS) «Ինտեր Մայամիի» հարձակվող Լիոնել Մեսսին հրավիրվել է Արգենտինայի հավաքական: Այս մասին հաղորդվում է Արգենտինայի ֆուտբոլի ասոցիացիայի Instagram-ում:  Հարձակվողը կնախապատրաստվի ԱԱ-2026-ի ընտրական փուլին։ Արգենտինացիները կհանդիպեն Էկվադորի և Բոլիվիայի հետ: Խաղերը կանցկացվեն համապատասխանաբար սեպտեմբերի 8-ին և 12-ին։ Ընդհանուր առմամբ, Արգենտինայի հավաքականի գլխավոր մարզիչ Լիոնել Սկալոնին թիմ է հրավիրել 32 խաղացողի։

Հուլիսի 12-ին Մեսսին խոսել է Արգենտինայի հավաքականում իր կարիերայի ավարտի մասին։ «Վստահ եմ, որ դա տեղի կունենա շուտով: Դա իմաստ ունի՝ հաշվի առնելով իմ տարիքը: Բայց ես չգիտեմ, թե կոնկրետ երբ կգա հարմար պահը»,- իր կարծիքն է հայտնել արգենտինացին։