Ճապոնիայի դատախազությունը պաշտոնական մեղադրանք է ներկայացրել 24-ամյա Ռյուջի Կիմուրայի նկատմամբ, ով այս գարնանը մահափորձ է իրականացրել վարչապետ Ֆումիո Կիսիդայի դեմ։ Այս մասին հայտնում է Kyodo գործակալությունը։

Նշվում է, որ տեղի գործազուրկ բնակչին մեղադրանք է առաջադրվել սպանության փորձի և պայթուցիկ նյութերի ապօրինի շրջանառության համար։ Այս հոդվածներով նրան կարող է սպառնալ ավելի քան 10 տարվա ազատազրկում։ Ինչպես հայտնում է NHK հեռուստաալիքը, ամբողջ ընթացքում, մինչ հետաքննությունը շարունակվում էր, Կիմուրան հրաժարվել է շփվել իրավապահ մարմինների հետ և օգտվել է իր լռելու իրավունքից։

Ապրիլի 5-ին Վակայամա քաղաքում Կիսիդայի ելույթից առաջ 24-ամյա Կիմուրան գլանաձև մի առարկա է նետել, որը նման էր երկու կողմից կնքված պողպատե խողովակի, որն այնուհետև պայթել էր։ Անվտանգության ծառայողների գործողությունների շնորհիվ կառավարության ղեկավարը չէր տուժել, վիրավորվել էր մեկ ոստիկան։ Հարձակվողին ձերբակալել էին անվտանգության աշխատակիցները։