Առանց ադրբեջանական կողմի հետ համաձայնության` Հայաստանի կողմից Ադրբեջանի սահմանային Լաչինի «անցակետ» մարդասիրական նպատակներով նախատեսված ապրանքների մատակարարումը Ադրբեջանի ներքին գործերին միջամտություն է, տարածքային ամբողջականության և ինքնիշխանության նկատմամբ անհարգալից վերաբերմունք։
Այս մասին ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ ասել է Ադրբեջանի Հանրապետության նախագահ Իլհամ Ալիևը, հայտնում է ԱՊԱ-ն։
Ադրբեջանի նախագահը հայտարարել է, որ «Հայաստանի նման քաղաքականությունը լուրջ վնաս է հասցրել խաղաղության պայմանագրի բանակցություններին»։