Մարդու իրավունքների պաշտպանության միջազգային կոմիտեի Ռուսաստանի մասնաճյուղի փոխնախագահ Իվան Մելնիկովը դիմել է Հայաստանի գլխավոր դատախազին՝ խնդրելով աջակցել Sputnik Արմենիայի սյունակագիր Աշոտ Գևորգյանի և բլոգեր Միկա Բադալյանի ազատ արձակմանը։ 

«Խնդրում եմ միջոցներ ձեռնարկել լրագրողներին ազատ արձակելու համար, աջակցել խոսքի ազատության իրավունքի պահպանման և պաշտպանության համար», - մասնավորապես նշել է Մելնիկովը։