«Երևանն ընտրում է». նախընտրական բանավեճ՝ քաղաքապետի թեկնածուների մասնակցությամբ

Սեպտեմբերի 14-ին՝ ժամը 22:00-ին, Հանրային հեռուստաընկերության ուղիղ եթերում տեղի կունենա Երևանի ավագանու 2023 թվականի ընտրությունների երկրորդ հեռուստաբանավեճը, որին մասնակցելու են ընտրություններին գրանցված կուսակցությունների և դաշինքի քաղաքապետի թեկնածուները (անհնարինության դեպքում փոխարինող անձը, որը պետք է ներառված լինի համապատասխան կուսակցության կամ դաշինքի ընտրական ցուցակի փոխարինվող անձին հաջորդող հինգ համարներից մեկում)։

Այս պահին իրենց մասնակցությունը հաստատած թեկնածուներն են՝

«Հանրային ձայն» կուսակցություն - Վահան Ավագյան

«Քաղաքացիական պայմանագիր» կուսակցություն - Տիգրան Ավինյան

«Արդար Հայաստան» կուսակցություն - Նորիկ Նորիկյան

«Հաղթանակ» կուսակցություն - Վիկտոր Մնացականյան

«Ուժը Հայրենյաց» կուսակցություն - Նելլի Հարությունյան

Հայաստանի եվրոպական կուսակցություն - Տիգրան Խզմալյան

«Հանուն սոցիալական արդարության» կուսակցություն - Արման Ղուկասյան

«Հանրապետություն» կուսակցություն - Արտակ Զեյնալյան

«Միացյալ Հայաստան» կուսակցություն - Երվանդ Թարվերդյան

«Լուսավոր Հայաստան» կուսակցություն - Դավիթ Խաժակյան

«Ժողովրդավարական համախմբում» կուսակցություն - Սուրեն Պետրոսյան

«Ապրելու երկիր» կուսակցություն – Մանե Թանդիլյան

Հեռուստաբանավեճը կհեռարձակվի ուղիղ միացմամբ Առաջին ալիքով, Առաջինի լրատվական ալիքով և Հանրայինի սոցիալական հարթակներով:

Այս ձևաչափով հեռուստաբանավեճերն անցկացվում են Ընտրական օրենսգրքի սահմանած պահանջներով և Ազգային ժողովրդավարության ինստիտուտի (NDI) տեխնիկական խորհրդատվական աջակցությամբ՝ միջազգային չափանիշներին համապատասխան։