Լվացք անել, բուրդ չփխել, սպորտային հագուստով հարսի պար պարել, վերջում՝ փեսային գաթա ընծայել. «Դվինի Արտակի» հարսի հարսանեկան պարը (տեսանյութ)

23:30, 16 սեպտեմբեր 2023

Ինչպես ավելի վաղ հայտնել ենք, այսօր «Դվին» ռեստորանային համալիրում Արտակ Թովմասյանի՝ Դվինի Արտակի որդու հարսանիքն է։ Հարսնացուն «Յունիբանկի» սեփականատեր Գագիկ Զաքարյանի դուստրն է։

Հարսանեկան արարողությունը կազմակերպող ընկերությունը հրապարակել է հարսի պարից հատվածներ։ Պարի ընթացքում հարսնացուն լվացք է փռում, բուրդ չփխում, խմոր գրտնակում, որից հետո պարում է սպորտային հագուստով, իսկ վերջում գաթա ընծայում փեսային։ Տեսանյութը՝ Hayastan.news-ի թելեգրամյան ալիքում։

Հարսանեկան արարողությունը վարում են Ավետ Բարսեղյանը և Նազենի Հովհաննիսյանը։

Հարսանեկան արարողությանը մասնակցել և ելույթ են ունեցել ռուսական էստրադայի աստղ Վալերի Մելաձեն, հայկական շոուբիզնեսի ներկայացուցիչներից Արկադի Դումիկյանը, Արա Մարտիրոսյանը, Սոնան, Անահիտ Շահբազյանը և այլոք։