12:20.
Ժամը 11-ի դրությամբ Երևանի ավագանու ընտրություններին մասնակցել է ընտրողների 5,78%-ը կամ 47671 մարդ:
Այս մասին ԿԸՀ ասուլիսում ասել է կենտրոնական ընտրական հանձնաժողովների նախագահի տեղակալ Նունե Հովհաննիսյանը:
10:00
Նիկոլ Փաշինյանը և Աննա Հակոբյանը քվեարկել են Երևանի ավագանու ընտրություններում։
Այսօր՝ սեպտեմբերի 17-ին, Երևանում ավագանու ընտրություններ են: Առավոտյան ժամը 08։00-ից բոլոր ընտրատեղամասերը բացվել են։
Քաղաքացիները կարող են մասնակցել քվեարկությանը մինչ ժամը 20։00-ն։
Այսօր Երևանի ավագանու համամասնական ընտրակարգով հերթական ընտրություններ են: Ընտրություններն անցկացնելու համար կազմավորվել են 475 տեղամասեր:
Առավոտյան՝ ժամը 8.00-ին, ՀՀ ընտրական օրենսգրքով սահմանված կարգով բացվել են ընտրությունների համար ձևավորված բոլոր 475 ընտրական տեղամասերը և ընդունել առաջին ընտրողներին: Ընտրողների էլեկտրոնային գրանցման նպատակով օգտագործվում է 1362 տեխնիկական սարքավորում:
Ընտրությունները դիտարկելու նպատակով հավատարմագրվել են «Ականատես», «Անկախ դիտորդ» և «Հայաքվե» համատեղ դիտորդական առաքելությունները։
Ընտրությունների և քվեարկության վերաբերյալ լուսաբանում իրականացնելու համար հավատարմագրվել են 40 տեղական զանգվածային լրատվության միջոցներ:
Ընտրությունները դիտարկելու համար հավատարմագրվել է նաև 2 միջազգային դիտորդական առաքելություն և 3 օտարերկրյա ԶԼՄ։
Երևան համայնքի ընտրողների թիվը 824250 է։
Ստորև ներկայացնում ենք Երևանի ավագանու ընտրություններին գրանցված 14 ուժի՝ 13 կուսակցությունների և 1 դաշինքի համարները քվեաթերթիկում և քաղաքապետի թեկնածուների անունները
1. «Հանրային ձայն» կուսակցություն, քաղաքապետի թեկնածու` Արտակ Գալստյան,
2. «Քաղաքացիական պայմանագիր» կուսակցություն, քաղաքապետի թեկնածու` Տիգրան Ավինյան,
3.«Արդար Հայաստան» կուսակցություն, քաղաքապետի թեկնածու` Նորայր Նորիկյան,
4.«Հաղթանակ» կուսակցություն, քաղաքապետի թեկնածու` Վիկտոր Մնացականյան,
5.«Ուժը հայրենյաց» կուսակցություն քաղաքապետի թեկնածու` Նելլի Հարությունյան,
6. «Հայաստանի եվրոպական կուսակցություն», քաղաքապետի թեկնածու` Տիգրան Խզմալյան,
7.«Ազգային առաջընթաց» կուսակցություն, քաղաքապետի թեկնածու` Հայկ Մարության,
8.«Հանուն սոցիալական արդարության» կուսակցություն, քաղաքապետի թեկնածու` Արման Ղուկասյան,
9.«Հանրապետություն» կուսակցություն, քաղաքապետի թեկնածու` Արտակ Զեյնալյան,
10.«Միացյալ Հայաստան» կուսակցություն, քաղաքապետի թեկնածու` Երվանդ Թարվերդյան,
11.«Լուսավոր Հայաստան» կուսակցություն, քաղաքապետի թեկնածու` Դավիթ Խաժակյան,
12. «Ժողովրդավարական համախմբում» կուսակցություն, քաղաքապետի թեկնածու` Սուրեն Պետրոսյան,
13. «Ապրելու երկիր» կուսակցություն, քաղաքապետի թեկնածու` Մանե Թանդիլյան,
14. «Մայր Հայաստան» դաշինք, քաղաքապետի թեկնածու` Անդրանիկ Թևանյան:
-thumbnail.jpg)
-thumbnail.jpg)
-thumbnail.jpg)
