Ադրբեջանում ԱԳՆ ներկայացուցիչները երկրում հավատարմագրված դիվանագիտական ​​կորպուսի համար տարածաշրջանում իրավիճակի վերաբերյալ ճեպազրույցում խոսել են ԼՂՀ իշխանությունների մասին։

Նրանք նախ նշել են, թե Ադրբեջանի «հավատարմությունը խաղաղ գործընթացին ամուր է, և այդ դիրքորոշումն ապացուցվել է 2020 թվականի նոյեմբերից սկսած հաջորդական քայլերով», ապա շարունակել․

«Ադրբեջանը պահանջում է անհապաղ դուրս բերել հայկական զինված ուժերի Ղարաբաղից, վերացնել Հայաստանին ենթակա ԼՂ (խմբ․) կառավարական կառույցները և զինաթափել այնտեղի հայկական զինված ուժերը։ Այս դեպքում «ռեժիմի ներկայացուցիչների» նկատմամբ կարող է կիրառվել «համաներում» (չակերտները՝ խմբ․)»։

Հիշեցնենք, որ պաշտոնական Բաքուն բազմիցս հայտնել է, որ Արցախի ինչպես ներկա, այնպես էլ նախկին մի շարք պաշտոնյաներ հետախուզվում են Ադրբեջանի կողմից։