Հայր Ասողիկ աբեղա Կարապետյանը գրում է․

 

«Պատմության դասերը գիտակցորեն չսերտած ու համառորեն դրանք անտեսող, խեղաթյուրող, լռեցնող հասարակական-քաղաքական գաճաճները՝ Հայաստան երկիրը վերստին դարձրել են առևտրի առարկա: Նույն իրականությունն է, ինչ Առաջին Հանրապետության ընթացքում: Եվ, սակայն, առավել ողբերգական է ներկան... Քանզի չկա՛ն ազնիվ, անկեղծ ու նվիրյալ գաղափարական անձերը... Նրանք, ովքեր հանուն Հայրենիքի կկատարեն ճիշտ ընտրություն. կընտրեն սեփական անձի խոնարհեցման ուղին, որով ի զորու կլինեն պահպանելու և բարձրացնելու ՀԱՅՈՑ ՊԵՏՈՒԹՅՈՒՆԸ:

 

Ոչ մի դեպքում իրավունք չունենք տրվելու այն մահաբեր հոսանքին, որը փոթորիկ է տենչում մեր տարածաշրջանում: Իրավունք չունենք դավելու ազգային և պետական շահերը՝ աշխարհի այս ծանրագույն, քաոսային իրավիճակում մեզ բարեկամ ու դաշնակից Պետությանը ծաղրելով և հարվածելով:

 

Պետք է լինել իրապաշտ, իմաստուն ու խորագետ և հասկանալ, որ պետք է հեռու մնալ «մեծ խաղերից», պետք է փոթորիկը հեռացնել մեզանից:

Չգործենք այն նույն սխալները, որոնք գործվեցին ոչ հեռավոր անցյալում, և որոնց հետևանքում շահեցին բացառապես մեր «հարևանները»՝ կլանելով ու կայանալով...

 

Հայեր, հասկացեք, որ ոչ մեկին՝ Արևմուտքում և այլուր, չի հետաքրքրում Հայաստանը, Հայոց Պետությունն ու Ազգը. նրանց համար գերական ու միակն իրենց կույր շահն է, ուստի ունայն խոսքից և սուտ խոստումից զատ՝ չունեն ոչինչ տալու... Ունկնդիր լինենք մեր Պատմության ահեղ ձայնին և չմոլորվենք կեղծիքի ու ստի բավիղներում: Մնանք ազնիվ և հավատարիմ, մնանք քաջ և արժանապատիվ, մնանք ՏԵՐԸ ԵՎ ԾԱՌԱՆ ՄԵՐ ՄԱՅՐ ՀԱՅՐԵՆԻՔԻ:

 

Աստված թող մեզ լինի օգնական և մարտակից»: