12:08

Ադրբեջանի կողմից ռմբակոծության հետևանքով այս պահին կա 32 զոհ (քաղաքացիական՝ 7, որից 2-ը երեխա), ավելի քան 200 վիրավոր (քաղաքացիական 35, որից 13-ը՝ երեխա)։

Այս մասին հայտնել է Արցախի ՄԻՊ Գեղամ Ստեփանյանը։

11:16

Արցախը հարկադրված կլինի դիմել համապատասխան քայլերի՝ գերնպատակ ունենալով առաջնահերթորեն ապահովել բնակչության ֆիզիկական անվտանգությունը. Արցախի նախագահ

09։04

Մարտերը շփման գծի երկայնքով տարբեր ինտենսիվությամբ շարունակվում են: 

Ադրբեջանի ԶՈՒ ստորաբաժանումները,  տարբեր զինատեսակներից կրակի ուղեկցմամբ, շարունակում են դիրքային առաջխաղացման գործողությունները՝ թիրախավորելով նաև քաղաքացիական ենթակառուցվածքներ: 

Պաշտպանության բանակի ստորաբաժանումները պաշտպանողական բնույթի գործողություններով համառ դիմադրություն են ցույց տալիս Ադրբեջանի ԶՈՒ ստորաբաժանումներին` պատճառելով կորուստներ:

08։50

Ժամը 03:00-ի դրությամբ, Արցախի Մարդու իրավունքների պաշտպանի գրասենյակ ստացած տեղեկատվության համաձայն, խաղաղ բնակչության շրջանում կա 35 վիրավոր՝ 13 երեխա, 15 կին և 7 տղամարդ։ Քաղաքացիական անձնաց շրջանում զոհեր և վիրավորներ արձանագրվել են Արցախի բոլոր շրջաններում։

08։45

Սեպտեմբերի 20-ի ժամը 5:00-ի սահմաններում ադրբեջանական զինուժի կողմից գնդակոծվել է Ստեփանակերտի դիահերձարանի շտապօգնության ավտոմեքենան, որն ուղարկվել է Մարտակերտի շրջան՝ 8 դիակ մայրաքաղաք տեղափոխելու նպատակով։ Վիրավորվել է շտապօգնության վարորդը և այս պահին չի կարողանում դիակները տեղափոխել Ստեփանակերտ։

03։26

Ժամը 03:00-ի դրությամբ, Մարդու իրավունքների պաշտպանի գրասենյակ ստացված տեղեկատվության համաձայն, խաղաղ բնակչության շրջանում զոհերի թիվը հասել է 7-ի՝ 3 կին, 2 երեխա և 2 տղամարդ. Արցախի մարդու իրավունքների պաշտպան

01։27

23։59

Ժամը 22:30-ի դրությամբ Ադրբեջանի կողմից շարունակվող լիարժեք ահաբեկչության հետևանքով կա 27 զոհ, որոնցից 2-ը խաղաղ բնակիչներ են։ Այս մասին հայտնում է Արցխխի ՄԻՊ-ը։

«Տուժածների թիվն այս պահին գերազանցում է 200-ը։

Թվերի մեջ չկա Ասկերանի և Մարտունու բուժհաստատությունները, քանի որ կապը դեռ հաստատված չէ»,-գրել է նա։