Օրեր առաջ Վաղարշապատի հիվանդանոցից շան կծելու հետևանքով «Հերացի» համալսարանական հիվանդանոց էր տեղափոխվել 73-ամյա քաղաքացի:
Պացիենտի մոտ առկա էին վերին վերջույթների և պարանոցի պատառոտված վերքեր:

Այս մասին «Ֆեյսբուք»-ի իր էջում հայտնել է Մխիթար Հերացու անվան ԵՊԲՀ աշխատակազմի ղեկավար Շուշան Դանիելյանը:

«Նյարդավիրաբույժների և միկրովիրաբույժների կողմից կատարվել է վիրահատություն: Պացիենտը հետվիրահատական շրջանում է, գտնվում է մասնագետների հսկողության ներքո»,-հայտնել է նա:

Վաղարշապատի հիվանդանոցից շան կծելու հետևանքով «Հերացի» հիվանդանոց է տեղափոխվել 73-ամյա քաղաքացի