Ռուսաստանը Հայաստանի խորհրդարանի նախագահ Ալեն Սիմոնյանի խոսքերը՝ Երևանի «Զվարթնոց» օդանավակայանից ռուս սահմանապահներին դուրս բերելու անհրաժեշտության մասին, որպես անբարյացակամ պահվածքի օրինակ է գնահատում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Սա մենք համարում ենք պաշտոնական Երևանի ներկայացուցչի անբարյացակամ պահվածքի ևս մեկ օրինակ, թեև այնքան էլ պարզ չէ, թե որքանով է Ազգային ժողովի նախագահը պատասխանատու իր բարձրացրած թեմաների համար»,- ասել է դիվանագետը։

«Հայաստանի իշխանություններից այս առնչությամբ ոչ մի հարցում չենք ստացել»,- հավելել է Զախարովան։

Ճիշտ կլինի, որ ռուսները «Զվարթնոցից» դուրս գան, եկան ԼՂ հայերին ուղեկցեցին, մնան ի՞նձ ու ձե՞զ ուղեկցեն «Զվարթնոցից»․ Ալեն Սիմոնյան