ՆԱՏՕ-ն մտադիր չէ զորքեր ուղարկել Ուկրաինա, և Ֆրանսիայի նախագահ Էմանուել Մակրոնը պետք է նման հարցերի շուրջ խորհրդակցի դաշինքի անդամների հետ, Reuters-ին տված հարցազրույցում ասել է կազմակերպության գլխավոր քարտուղար Յենս Ստոլտենբերգը։
 
«ՆԱՏՕ-ն Ուկրաինա զորքեր ուղարկելու պլաններ չունի, և ՆԱՏՕ-ն կամ ՆԱՏՕ-ի դաշնակիցները հակամարտության կողմ չեն: Կարծում եմ, որ մեզ համար կարևոր է խորհրդակցել և ընդհանուր մոտեցման գալ այս կարևոր թեմաների շուրջ, քանի որ դրանք բոլորիս համար նշանակություն ունեն»,- ասել է նա՝ պատասխանելով հարցին, թե արդյո՞ք Մակրոնը սխալվել է։

Գլխավոր քարտուղարը նշել է, որ եթե նույնիսկ ՆԱՏՕ-ի առանձին երկրներ որոշեն նման մանևր անել, դա կազդի ամբողջ դաշինքի վրա։ Ստոլտենբերգը նաև անհամաձայնություն է հայտնել Կիևի համար «սպիտակ դրոշի» մասին Պապի հայտարարությանը՝ ասելով, որ, նրա կարծիքով, բանակցությունների միջոցով խաղաղ լուծման հասնելու համար դեռևս անհրաժեշտ է ռազմական օգնություն ցուցաբերել Ուկրաինային։

Ուկրաինան պետք է ունենա «սպիտակ դրոշի» քաջություն և բանակցի Ռուսաստանի հետ պատերազմի ավարտի մասին. Հռոմի պապ

Մեր դրոշը դեղին և կապույտ է, մենք այլ դրոշներ չենք բարձրացնում․ Ուկրաինայի ԱԳ նախարարի պատասխանը Հռոմի պապին