Շատ լավ եմ, պատկերացրեք․ Աննա Դանիբեկյան

Բարձրագույն դատական խորհուրդն այսօր բավարարեց Արդարադատության նախարար Գրիգոր Մինասյանի միջնորդությունը Երևան քաղաքի ընդհանուր իրավասության քրեական դատարանի դատավոր Աննա Դանիբեկյանին կարգապահական պատասխանատվության ենթարկելու վերաբերյալ։

Այս առնչությամբ՝ Hayastan.news-ը մեկնաբանություն խնդրեց Աննա Դանիբեկյանից․ Աննա Դանիբեկյանն ասաց․« Այս փուլում չեմ ուզում մեկնաբանել, բացի այդ մի փոքր զբաղված եմ այս ամենով պայմանավորված՝ վարույթներ և այլն։ Կանդրադառանամ, իհարկե, բայց ավելի ուշ»։

Հարցին, թե իսկ ինչպես է տրամադրությունը, Դանիբեկյանը պատասխանեց․ «Շատ լավ եմ, պատկերացրեք»։

Նշենք, որ Բարձրագույն դատական խորհուրդը Կարեն Անդրեասյանի՝ ԲԴԽ որոշումը հրապարակելուն կից գրել է․

Բարձրագույն դատական խորհուրդը հարկ է համարել ընդգծել, որ երկար ձգձգված ու վաղեմության ժամկետի ավարտման հիմքով կարճված Ռոբերտ Քոչարյանի գործը ուներ բացառիկ կարևորություն թե՛ վարույթում ներգրավված անձանց շրջանակի կարգավիճակով, թե՛ նրանց մեղսագրվող արարքների

քրեաիրավական բնույթով և ծանրության աստիճանով: Հետևաբար, դատավոր Դանիբեկյանը պարտավոր էր գիտակցել, որ արդարադատություն է իրականացնում Հայաստանի Հանրապետության դատաիրավական պրակտիկայի պատմության ամենակարևոր գործերից մեկով և պետք է արդյունավետ կազմակերպեր և ողջամիտ ժամկետում իրականացներ արդարադատություն:

Դատավարությունը տևել է 4 տարի 4 ամիս, ինչը Խորհրդի համոզմամբ տեղի է ունեցել, քանի որ դատավորը պատշաճ չի կատարել օրենքով իրեն վերապահված պարտականությունները»։

Սա «Շարմ հոլդինգին» պատվիրած ԲԴԽ սցենարն է, որի հեղինակը Hayastan.news-ի տեղեկություններով՝ Երանուհի Թումանյանցն է՝ ԲԴԽ անդամ և համատեղության կարգով Կարեն Անդրեասյանի օգնական-ցսենարիստ-երրորդ ականջ-քարտուղար։

Ի դեպ, Կարեն Անդրեասյանն այդ ֆիլմում չի անդրադարձել Վճռաբեկ դատարանի նախագահ Լիլիթ Թադևոսյանին, նրա մասին ֆիլմ չի կարող նկարել։

ԲԴԽ-ում ոմանց առողջության մասին տեղեկանքները կեղծ են կամ ինչի մասին «կինո» չի նկարի «սկսնակ ռեժիսոր» Կարեն Անդրեասյանը

ԲԴԽ-ի 8 մլն դրամանոց ռեպորտաժը նկարահանել է «Շարմ Հոլդինգ»-ը