Ադրբեջանի նախագահին ոչ արձագանքողը, ոչ պատասխանողը, կամ էլ պատասխանը որոշողը ես չեմ, դա իմ տիրույթում չէ։ Ուղղակի, որպեսզի չստացվի, թե ձեր հարցին չարձագանքեցի, ասեմ, որ կա բանակցությունների ակտիվ պրոցես, և սեղանի շուրջ նույն Ադրբեջանի նախագահը բոլորովին այլ բան է խոսում։

Այս մասին այսօր ԱԺ-ում՝ լրագրողների հետ զրույցում, ասաց Տարածքային կառավարման և ենթակառուցվածքների նախարար Գնել Սանոսյանը, պատասխանելով Hayastan.news-ի հարցին, թե մինչև իրենց քաղաքական թիմի ղեկավարը խոսում է խաղաղության պայմանագրից, Ալիևը սպառնում է Արցախին։

Գնել Սանոսյանն ասաց, որ կարևորը բանակցություններ են․ «Կարծում եմ, ոչ միայն իմ, այլ ձեր և բոլորիս համար կարևոր են բանակցությունները՝ որ երկիրը բանակցությունների սեղանի շուրջ ի՞նչ է խոսում, ի՞նչ է արտահայտում, իսկ թե մեր երկիրն ի՞նչ է խոսում բազմաթիվ անգամ լսել ենք, ինչպես նաև քիչ առաջ լսեցինք»։