«Վագներ» մասնավոր ռազմականացված խմբավորման ղեկավար Եվգենի Պրիգոժինը հայտարարել է, որ Ռուսաստանի պաշտպանության նախարար Շոյգուն «փախել է Ռոստովից»։

Տելեգրամյան իր ալիքում Պրիգոժինը գրել է․ «Նախարար Շոյգուն վախկոտի պես փախել է Ռոստովից. տեղի ժամանակով ժամը 21:00-ին նա փախել է, որպեսզի չբացատրի, թե ինչո՞ւ է ուղղաթիռներ բարձրացնում օդ, ինչո՞ւ է հրթիռային հարվածներ հասցնում։ Այդ արարածին կկանգնեցնեն», - գրել է Եվգենի Պրիգոժինը: ᅠ

Բացի այդ, Պրիգոժինը հայտարարել է, որ իրենք հանրության աջակցությունն են ստանում։ Նա նաև թվեր է հրապարակում մոսկովյան դիրահերձարանում պահվող դիերի մասին։

Ռուսական առաջատար լրատվամիջոցները չեն հայտնում Շոյգուի՝ Ռոստով այցի մասին։

Իր հերթին, ՌԴ ՊՆ-ն հայտնում է, որ Ռուսաստանի Դաշնության զինված ուժերը շարունակում են մարտական ​​առաջադրանքները Ուկրաինայի զինված ուժերի հետ շփման գծում՝ հատուկ ռազմական գործողության տարածքում։

Հիշեցնենք, որ ռուսական «Վագներ» խմբավորման ղեկավարը հայտարարել է, թե ՌԴ ՊՆ-ն հարվածել է իրենց․ Պուտինը տեղյակ է, ՊՆ-ն հերքում է, ԱԴԾ-ն գործ է հարուցել։