Ռուսաստանի անվտանգության դաշնային ծառայությունը հանդես է եկել հայտարարությամբ և կոչով դիմել է «Վագներ» մասնավոր ռազմականացված խմբավորման անդամներին․

 «Ռուսաստանի զինված ուժերը շարունակում են մարտական ​​առաջադրանքներ իրականացնել Ուկրաինայի զինված ուժերի հետ շփման գծում՝ հատուկ գործողության գոտում։

Գերատեսչությունում նշել են, որ Պրիգոժինի անունից սոցցանցերում տեղեկատվությունը՝ ՌԴ ՊՆ-ի կողմից «Վագներ»-ին ենթադրյալ հարվածներ հասցնելու մասին, չի համապատասխանում իրականությանը և սադրանք է:

Պրիգոժինի կողմից ապստամբության կոչի փաստով գործը հարուցվել է իրավիճակի լրջության և Ռուսաստանի Դաշնությունում առճակատման սրման սպառնալիքի պատճառով։

«Վագների» մարտիկներին կոչ ենք անում չկատարել Պրիգոժինի հանցավոր հրամանները և միջոցներ ձեռնարկել՝ նրան կալանավորելու համար։ Պրիգոժինի հայտարարություններն ու գործողությունները Ռուսաստանի Դաշնությունում զինված քաղաքացիական հակամարտություն սկսելու և ռուս զինվորականներին «մեջքից հարվածելու» կոչեր են։

 

Հիշեցնենք, որ ռուսական «Վագներ» խմբավորման ղեկավարը հայտարարել է, թե ՌԴ ՊՆ-ն հարվածել է իրենց․ Պուտինը տեղյակ է, ՊՆ-ն հերքում է, ԱԴԾ-ն գործ է հարուցել։

 

 Հետևեք Hayastan.news-ի տելեգրամյան ալիքին այստեղ