Երեք օր առաջ քաղաքացի Արթուր Չախոյանը, ով հայտնի է Երևանի քաղաքապետարանի շինարարական ծրագրերում հանրային վերահսկողություն իրականացնելով և դրանք տեսանկարահանելով, Երևանի ավագանու ընտրությունների քարոզարշավում վարչական ռեսուրսի չարաշահման դեպք էր բացահայտել։ «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանը հանրահավաք էր անցկացրել Նոր Նորք վարչական շրջանում, որին գնացել է նաև Արթուր Չախոյանը, շրջել հանրահավաքի մասնակցիների շարքերում, զրուցել ներկաների հետ և հրապարակել  ցուցակ և կադրեր, թե ովքեր են ներկա Ավինյանի հավաքին։