Հետևեք մեզ։

Երևանում Ուելսի երկրպագուները բերման են ենթարկվել գարեջրի շշեր կոտրելու և փողոցում միզելու համար․ Shamshyan.com

12:26, 20 նոյեմբեր 2023
Երևանում Ուելսի երկրպագուները բերման են ենթարկվել գարեջրի շշեր կոտրելու և փողոցում միզելու համար․ Shamshyan.com

Hayastan.news-ը՝ հղում անելով The Guardian-ին, հայտնել էր, որ Հայաստան-Ուելս խաղին հետևելու համար Երևան ժամանած 32 ուլեսցի երկրպագու է բերման ենթարկվել։

Այնուհետև, ՆԳՆ-ից հայտնեցին, որ 16 օտարերկրացի խուլիգանություն կատարելու հիմքով ձերբակալվել և համապատասխան փաստաթղթերով ներկայացվել են քննչական, ևս 16-ը հասարակական վայրում ոգելից խմիչքի ազդեցության տակ երևալու հիմքով ձերբակալվել բերվել են բաժին և ազատ են արձակվել։

 

Shasmhyan.com-ին այլ մանրամասներ են հայտնի դարձել միջադեպից․ ոստիկաններն ու պարեկները նկատել են, որ մի խումբ քաղաքացիներ անհարգալից վերաբերմունք են ցուցաբերում հասարակության նկատմամբ, գոռում-գոչում են, բայց սկզբում պարեկներն ու ոստիկանները զերծ են մնացել գործողություններ կատարելուց, քանի որ աշխարհում ընդունված է նաև նման ձևով երկրպագել իրենց թիմին։ Սակայն հետո նկատել են, որ այդ անձինք գարեջրի շշեր են կոտրում ասֆալտին, մի քանիսն էլ ակնհայտ բաց տարածքում միզում են, ինչից հետո պարեկներն ու ոստիկանները ստիպված, հասարակական կարգը պահպանելու նպատակով նրանց տեղափոխել են Ոստիկանության կենտրոնական բաժին։   

Քրոնիկա